काठमाण्डौं । चीनमा नोवल कोरोना भाइरसको संक्रमण फैलिरहेकाबेला वुहान शहरमा रहेका नेपालीलाई ल्याउन सरकारले भने अझै आलटाल गर्दै आएको छ । वुहान सहरमा रहेका १८० भन्दा धेरैले नेपाल आउनका लागि नेपालि दुतावासमा निवेदन दिएपनि सरकारले अझै उनिहरुलाई फर्काउन सकिरहेको छैन ।

यता अभिभावकहरूले भने मानव अभिकार आयोग जाने भएका छन् । आफ्ना छोराछोरी र आफन्तलाई सरकारले ल्याउन अग्रसरता नदेखाएको भन्दै अभिभावकहरूले त्यसविरुद्ध अनशन बस्ने चेतावनीसमेत दिएका छन् ।

सरकारले आश्वासन मात्रै दिएको भन्दै उनीहरू सरकारविरुद्ध आक्रामक भएका हुन् ।

अभिभावक विमला श्रेष्ठका अनसार सरकारले झुटो आश्वासन दिएको भन्दै अब संगठित भएर मानवअधिकार आयोज जाने तयारी भएको छ ।