काठमाडौं । नेपाली राष्ट्रिय टोलीका लेग स्पिनर सन्दीप लामिछानेले एभरेष्ट प्रिमियर लिग (ईपीएल) टी(ट्वान्टी क्रिकेट काठमाडौं किङ्सबाट खेल्ने भएका छन् । आयोजक ईपीएलले बुधबार नेपाली ग्लोबल आइकन सन्दीपले काठमाडौंबाट खेल्ने पक्का भएको जनाएको छ । काठमाडौं पूर्व कप्तान विनोद दासको प्रशिक्षणमा रहने छ । गत सिजन सन्दीपले च्याम्पियन टिम ललितपुर प्याट्रीयट्सबाट खेलेका थिए । तर, सन्दीप बीचमा ईपीएल छाडेर बिग बास लिग खेल्ने अष्ट्रेलिया गएका थिए । गत सिजन सन्दीपले ललितपुरबाट २ खेलमा ३ विकेट लिएका थिए ।