राष्ट्रपति भण्डारी आज स्वदेश फर्कदै - eDeshantar News

राष्ट्रपति भण्डारी आज स्वदेश फर्कदै

  • 8
    Shares

काठमाडौं स् राष्ट्रपति विद्यादेवी भण्डारी म्यान्मार र जापान भ्रमण सम्पन्न गरी आज (बुधबार) हानेदा विमानस्थलबाट चीनको ग्वान्जाओ हुँदै स्वदेश फर्कदै छन्। राष्ट्रपति भण्डारी जापानी सम्राट् नोरुहितोको गद्दी आरोहण विशेष समारोहमा सहभागी हुन आइतबार म्यान्माबाट जापान पुगेकी हुन्।

समारोहमा भाग लिन विभिन्न देशका राष्ट्र प्रमुख, सरकार प्रमुख तथा प्रतिनिधि पनि पुगेका थिए। राष्ट्रपति भण्डारीको प्रतिनिधिमण्डलमा गृहमन्त्री रामबहादुर थापा, परराष्ट्र सचिव शङ्करदास वैरागी, जापानका लागि नेपालका राजदूत प्रतिभा राणा, परराष्ट्र मन्त्रालय र राष्ट्रपति कार्यालयका उच्चपदस्थ अधिकारी तथा सञ्चारकर्मी छन्।

राष्ट्रपति विद्यादेवी भण्डारी मंगलबार बिहान टोक्योमा भारतका राष्ट्रपति रामनाथ कोविन्दसँग भेटवार्ता गर्दै। तस्बिर:रासस

जापानको तीनदिने औपचारिक भ्रमणमा रहँदा राष्ट्रपति भण्डारीको जापानी प्रधानमन्त्री सिन्जो आबे र भारतीय राष्ट्रपति रामनाथ कोविन्दसँग छुट्टाछ्ट्टै भेटवार्ता भएको थियो। राष्ट्रपति भण्डारीको स्वागतमा जापानस्थित नेपाली राजदूतावासले रात्रिभोजको आयोजना गरेको थियो।

यसअघि राष्ट्रपति भण्डारीले म्यान्माका राष्ट्रपति विन मिन्तको मैत्रीपूर्ण निमन्त्रणामा म्यान्माको पाँचदिने राजकीय भ्रमण गरेको थियो। म्यान्मा भ्रमणमा परराष्ट्रमन्त्री परराष्ट्रमन्त्री प्रदीपकुमार ज्ञवाली पनि प्रतिनिधिमण्डलका सदस्यका रुपमा सहभागी थिए। राष्ट्रपतिको भ्रमण असोज २९ गतेदेखि शुरु भएको हो ।


  • 8
    Shares

Facebook Comments