चिनियाँ सामग्री तातोपानी नाकाबाट नेपाल भित्रिन थाले - eDeshantar News

चिनियाँ सामग्री तातोपानी नाकाबाट नेपाल भित्रिन थाले


काठमाडौं ।   एक महिनाअघि पुनः सञ्चालनमा ल्याइएको चीन जोड्ने उत्तरको मुख्य तातोपानी नाकाबाट चिनियाँ सामग्री नेपाल भित्रिन सुरु गरेको छ।

पछिल्लो एक साताबाट सुरु आयात कारोबार विस्तारै बढ्दै गएको छ।

विसं २०७२ वैशाख १२ को विनाशकारी भूकम्पपछि चार वर्ष बन्द भएको नाका गत जेठ १५ गतेबाट औपचारिकरूपमा पुनः सञ्चालनमा ल्याइएको थियो।

नवनिर्मित अत्याधुनिक सुक्खा बन्दरगाह सरेको तातोपानी भन्सार पुनः सञ्चालनको झण्डै तीन साता प्रशासनिक व्यवस्थापन र आन्तरिक तयारीमा जुट्दा व्यापारिक कारोबार हुनसकेको थिएन।
चीनबाट सामग्री भित्रिन थालेको छ,ु भन्सार अधिकृत केशवराज ओलीले भने। भन्सारले कारोबार सुरु गरेयता विस्तारै आयात बढ्दै गएको उनले बताए।

ओलीका अनुसार यसबीचमा १० कन्टेनर सामान भन्सार जाँचपास भई राजधानी गइसकेको छ। सुक्खा बन्दरगाह भन्सार यार्डमा अझै चार कन्टेनर सामान जाँचपासको पर्खाइमा छन्।


Facebook Comments